Pasi u konfirmua edhe nga Premier League blerja e 25% të aksioneve të klubit të Manchester United nga miliarderi britanik, Sir Jim Ratcliffe, tani është hapur edhe drita jeshile për të bërë ndryshime në strukturën sportive të klubit, ndryshim tjetë ky në organikën e klubit, teksa vetëm pak javë më parë, “Djajtë e Kuq” emëruan si shefin e ri ekzekutiv “ish”-in e Manchester City, Omar Berrada.
Në vazhdën e ndryshimeve brenda klubit që pritet që rekordmenët e Premier League t’i rrëmbejnë “Bardhezinjve” të Newcastle drejtorin sportiv, Dan Ashworth, teksa një hierarki e qëndrueshme sportive ka munguar te 20 herë kampionët e Anglisë që prej largimit të David Gill, thuajse një dekadë më parë. dhe Sir Jim Ratcliffe po i adreson këto probleme që në fillim të hegjemonisë së tij të re tek United.
Dan Ashworth është një drejtor sportiv i afirmuar në Angli. Para se të bëhej pjesë e Newcastle në vitin 2022, ai ishte pjesë e Brighton, ku u shqua për transferimet e Leandro Trossard, Moises Caicedo, Alexis Mac Allister apo dhe Karou Mitoma.
