Prokuroria e Përgjithshme e New York ka nisur një hetim penal ndaj perandorisë së biznesit të ish-Presidentit Donald Trump.
“Ne kemi informuar Organizatën Trump se hetimi ynë ndaj kompanisë nuk është më thjesht një hetim civil,” tha Fabien Levy, një zëdhënës i Prokurores të Përgjithshme Letitia James, në një deklaratë.
Trump i ka mohuar akuzat dhe ka deklaruar se ky hetim i nisur nga një prokuror demokrat është një hakmarrje politike. Zëdhënësi i prokurores Fabien Levy u shpreh një ditë më parë se Organizata Trump është njoftuar për ndryshimin e hetimit nga civil në penal.
Hetimi përfshin ekzaminimin nëse Trump ose bizneset e tij manipuluan vlerën e pasurive – duke i rritur në disa raste dhe duke i minimizuar në të tjera për të siguruar kushte të favorshme kredie dhe përfitime tatimore.
Gjithashtu, nuk është bërë e ditur nëse ish-presidenti mund të jetë i përfshirë personalisht në ndonjë nga akuzat./abcnews.al
