Amir Rrahmani po luante si titullar në ndeshjet e fundit të Napolit, por u detyrua të frenohej në momentin më të mirë.
Kapiteni i Kosovës pësoi një tërheqje muskulore në kofshë një ditë përpara sfidës Milan-Napoli (0-1) të datës 14 mars.
27-vjeçari humbi tre ndeshjet e Kosovës, por ia ka dalë të rikuperohet. Lojtari nga Prishtina është rikthyer sot në stërvitje me Napolin.
Një lajm i mirë për trajnerin Gennaro Gattuso. Napoli rikthehet të luajë të shtunën (3 prill) në “Diego Armando Maradona” përballë Crotones. /abcnews.al
