Princi Harry akuzon anëtarët e familjes mbretërore se po luajnë një “lojë të pistë” në një trailer të ri të publikuar sot të serialit të Netflix- it për të dhe gruan e tij Meghan. Tre episodet e para do të jenë të disponueshëm të enjten dhe tashmë ka spekulime se çfarë do të thonë për të afërmit e tyre mbretërorë.
Që kur u larguan nga detyrat e tyre mbretërore, Harry dhe Meghan kanë kritikuar monarkinë dhe kanë akuzuar familjen mbretërore për racizëm. Princi ka lënë të kuptohet se ai mezi flet me pjesën tjetër të familjes, veçanërisht me babain e tij Mbretit Charles dhe vëllain e tij, Princ William.
Në trailerin, Harry u referohet njerëzve që punojnë për familjet mbretërore dhe gazetarëve, një temë për të cilën ai ka folur në të kaluarën. “Në familje ka një hierarki. Ne e dimë se ka rrjedhje, por edhe histori janë mbjellë. Është një lojë e pistë” , tha ai.
Ndërsa traileri tregon fotot e princeshës Diana dhe gruas së William, Kate, një zë, që tingëllon si i Harry-t, flet gjithashtu për “dhimbjen e grave që martohen” me anëtarë të familjes mbretërore. /abcnews.al
