Princi Andrew ka rezultuar pozitiv me Covid-19 dhe nuk do të marrë pjesë në festimet e Jubileut Platinum të Mbretëreshës Elizabeth këtë fundjavë, njoftoi pallati të enjten. Djali i dytë i monarkes pritej të merrte pjesë në Shërbimin Kombëtar të Falënderimeve të së premtes në Katedralen e Shën Palit.
“Pas kryerjes së një testi rutinë, Duka ka rezultuar pozitiv me Covid dhe me keqardhje nuk do të marrë pjesë më shërbimin e nesërm”, tha një zëdhënës. Andrew do të merrte pjesë nesër në Shën Paul së bashku me Harry dhe Meghan Markle të cilët nuk u lejuan të qëndronin në ballkon sot.
Në janar, Mbretëresha i hoqi princit Andrew titujt dhe patronazhet e tij ushtarake pas akuzave për sulm seksual. Virginia Roberts pretendon se ishte detyruar të kryente marrëdhënie seksuale me Dukën e Jorkut tre herë kur ishte 17 vjeç nën urdhrat e pedofilit Jeffrey Epstein. /abcnews.al
