Një prift slloven që thuhet se është i afërt me Papën është akuzuar se ka ftuar dy murgesha për të marrë pjesë në një treshe.
Marko Ivan Rupnik, 68 vjeç sot, është akuzuar nga një ish-murgeshë se ka përdorur kontrollin “psiko-shpirtëror” mbi të rreth tre dekada më parë për të bërë seks në grup me të dhe për të parë filma porno , sipas Daily Mail .
Në kohën e akuzave, Rupnik ishte drejtor shpirtëror i një manastiri në Slloveni dhe ish-murgesha, tani 58 vjeçe, ka përshkruar se si ankesat e saj kundër tij ishin injoruar.
Rupnik është tani në qendër të një skandali që ka përfshirë jezuitët, një urdhër katolik i priftërinjve dhe vëllezërve, anëtar i të cilit është edhe Papa Françesku.
Ish-murgesha tha për gazetën investigative italiane Domani: “Atë Marko ngadalë dhe butësisht filloi të hynte në botën time psikologjike dhe shpirtërore, duke përfituar nga pasiguritë e mia dhe duke përdorur marrëdhënien time me Zotin për të më shtyrë në përvoja seksuale me të”.
Murgesha pretendoi se Rupniku kishte marrëdhënie seksuale me të dhe e kishte frikësuar të heshte. Në fakt, ajo pretendoi se prifti i saj i kishte kërkuar asaj dhe një murgeshë tjetër të bënin seks me të, duke thënë se ata do të riprodhonin marrëdhënien midis Zotit, Jezusit dhe Frymës së Shenjtë.
Ajo tha se besonte se Rupnik kishte abuzuar deri në 20 gra.
“Ishte me të vërtetë një abuzim i ndërgjegjes,” tha murgesha që beson se prifti ka abuzuar me rreth 20 gra.
Pretendimet e saj nxitën urdhrin jezuit të Papa Françeskut të dielën për t’u kërkuar viktimave të tjera të parashtrojnë ankesa kundër Rupnik.
