Loading ...
Presidentja e Moldavisë, Maya Sandu përshëndeti vendimin e BE-së për hapjen e negociatave me vendin, duke nënvizuar se Kishinau do të përballet me sfidat dhe mbetet e përkushtuar në punën e vështirë që i pret.
“Moldavia sot kthen një faqe të re (në historinë e saj) pas dritës jeshile të BE-së për bisedimet e pranimit. Sot ndjejmë përqafimin e ngrohtë të Europës. Faleminderit për mbështetjen tuaj dhe për besimin në rrugëtimin tonë”, shkroi presidenti i Moldavisë në një postim në platformën X (ish Twitter).
Më herët, blloku vendosi që të hapë negociatat edhe për Ukrainën ndërsa Gjeorgjisë iu dha statusi i vendit kandidat./abcnews.al
