Loading ...
Presidenti Ilir Meta ka uruar Dritan Abazoviç, që u zgjodh në krye të qeverisë së Malit të Zi.
“Urime të përzemërta dhe shumë suksese z.Dritan Abazoviç për zgjedhjen në detyrën e lartë të Kryeministrit të Malit të Zi.
Shpresëplotë se marrëdhëniet e shkëlqyera miqësore mes dy shteteve tona do të fuqizohen akoma më shumë në interes të popujve tanë.
Progresi i Malit të Zi dhe avancimi në proceset integruese janë shumë të rëndësishme për të gjithë shqiptarët që jetojnë atje, për të ardhmen e përbashkët europiane, si edhe për forcimin e paqes, sigurisë dhe stabilitetit në rajonin tonë”, shkruan Meta.
36-vjeçari do të jetë shqiptari i parë në krye të një qeverie në historinë malazeze. Për zgjedhjen e qeverisë së re dhe programin e Abazoviç votuan 45 deputetë të mazhorancës së re, ndërsa 3 deputetë të SD-së votuan kundër. Qeveria Abazoviç ka në përbërje 18 poste ministrash, 4 zv/kryeministra dhe 2 ministra pa portofol. Krahas Dritan Abazoviçit, nga komuniteti i shqiptarëve të Malit të Zi në kabinet janë edhe Fatmir Gjeka si Ministër për të drejtat e njeriut dhe minoritetet e Marash Dukaj si ministër i administratës publike.
/abcnews.al
