Në Ditën Ndërkombëtare të Monumenteve të Kulturës dhe Vendeve Arkeologjike, Presidenti i Republikës Ilir Meta apelon për rrezikun që po i shkaktohet qyteteve nga ndërtimet e sforcuara.
Nëpërmjet një statusi në facebook kryetari i shtetit kërkon më shumë mirëmbajtje ndaj trashëgimisë kulturore dhe arkeologjike.
“Pas dëmtimit të çdo monumenti, objekti kulti, afresku apo vendi arkeologjik dëmtohet identiteti ynë kombëtar dhe kulturor, si dhe humbet një shans për të vendosur historinë dhe trashëgiminë në dobi të së ardhmes”, shkruan presidenti Ilir Meta në rrjetet sociale./abcnews.al
