Presidenti i Kinës Xi Jinping ka mbërritur pasditen e së mërkurës në Samarkand të Uzbekistanit, sipas asaj që raportojnë mediat shtetërore kineze.
Agjencia zyrtare e lajmeve Xinhua raporton se Xi mbërriti në qytet “për të bërë një vizitë shtetërore në Uzbekistan dhe për të marrë pjesë në takimin e 22-të të Këshillit të Kryetarëve të Shteteve të Organizatës së Bashkëpunimit të Shangait (SCO).
Xi pritet të takohet edhe me presidentin rus Vladimir Putin në margjinat e bisedimeve të SCO-së. Ky do të jetë takimi i parë kokë më kokë midis dy liderëve që nga fillimi i pushtimit të Ukrainës, në fund të shkurtit. /abcnews.al/
