Loading ...
Presidenti iranian Ebrahim Raisi ka thënë se të pranishmit në një samit urgjent mbi luftën Izrael-Hamas në Arabinë Saudite ishin mbledhur atje në emër të botës islame për të “shpëtuar palestinezët”.
“Ne jemi mbledhur këtu sot për të diskutuar fokusin e botës islame, e cila është kauza palestineze, ku kemi qenë dëshmitarë të krimeve më të këqija në histori…Sot është një ditë historike në mbrojtjen dhe mbështetjen heroike të xhamisë Al-Aksa.” tha ai në komentet në Samitin e Jashtëzakonshëm të Përbashkët Arabo-Islamik në Riad të shtunën, shkruan CNN.
Raisi tha se historia e Gazës është një “luftë midis dy boshteve” dhe bota duhet të përcaktojë se në cilën anë është – nga ana e “fisnikërisë” apo nga ana që “shkatërron brezat njerëzorë”.
Presidenti iranian kritikoi Shtetet e Bashkuara për mbështetjen e tyre ndaj ofensivës izraelite, duke thënë se Uashingtoni është “partneri kryesor në këto krime”./abncnews.al
