Mateo Vasiu iu mungon sot shokëve dhe shoqeve të klasës së tretë të shkollës ” Thanas Ikonomi”, në fshatin Grecalli të Fierit. Një ditë më parë vogëlushit 8-vjeçar, iu mor jeta mizorisht nga fqinji i tij 38-vjeçar, Klodian Çalamani.
Mbi bankën e vogëlushit është vënë një buqetë me lule, duke përcjellë trishtim të thellë për ngjarjen tragjike.
Lexo edhe: “Shteti do e nxjerrë prapë,” apeli i dajës për vrasje e vogëlushit në Fier
Familja ka hapur sot dyert e mortit. Vogëlushit që iu pre jeta në mes do të përcillet për në banesën e fundit. Dhimbja është e madhe, Mateo do t’i mungojë familjes dhe të afërmve.
Komuniteti dhe i gjithë vendi është shokuar nga ngjarja e rëndë e ndodhur një ditë më parë. Klodian Çalamani, i njohur si shumë problematik në zonë vrau dhe më pas groposi të miturin në oborrin e banesës së tij, ku jetonte i vetëm. g.v/abcnews.al
