Një grua amerikane e cila kishte birësuar një vajzë nga Koreja e Jugut kur ishte foshnje është takuar me nënën dhe motrën e saj biologjike për herë të parë pas 33 vitesh.
Sipas Internewscast Shelee Henderson, 33 vjeçarja, nga Chickasha, Oklahoma, u rrit nga prindërit e saj birësues, Nancy dhe Jimmy, në SHBA dhe i thanë se nëna e saj e kishte dhënë me dëshirë atë për birësim, në mënyrë që ajo të kishte një jetë më të mirë.
“Në të vërtetë nuk u dorëzova me dëshirë nga nëna ime për një jetë më të mirë, siç më ishte thënë gjithmonë. Rezulton se ajo dhe babai im ishin në fakt të martuar. Ata kishin motrën time. Ajo ishte tre vjeçe kur unë linda”, tha ajo.
“Kur isha një muajshe, u shfaqën problemet martesore midis prindërve. Babai ynë e nxori nënën nga shtëpia. Nga zemërimi dhe pakënaqësia për të, ai më çoi për birësim”, vazhdoi ajo, duke theksuar se ai e mbajti motrën e saj.
“Një muaj më vonë, nëna ime kthehet në shtëpi në përpjekje për të rregulluar martesën. Sigurisht, ajo zbulon se çfarë ai kishte bërë. Ajo nuk mund ta besonte”.
Shelee tha se kur nëna e saj shkoi në jetimore për ta provuar ta rikthente, ata i thanë asaj se kjo do t’i kushtonte shumë.
“Nëna ime nuk kishte para, kështu që ajo u largua. Megjithatë, ajo u kthye tre muaj më vonë me para në dorë. Ajo pagoi paratë dhe më ktheu”, shpjegoi ajo. “Ne u kthyem për të jetuar në shtëpi me babanë dhe motrën time si familje për një muaj më shumë para se historia të përsëritej”.
Shelee tha që babai i saj e nxori nënën e saj përsëri nga shtëpia dhe e çoi atë në jetimore për herë të dytë, dhe nëna e saj edhe një herë u përpoq ta kthejë pas kthimit në shtëpi një muaj më vonë.
“Ajo u kthye në agjenci për të përsëritur procesin, por kur u kthye me para disa muaj më vonë, ishte shumë vonë. Unë isha adoptuar ”./abcnews.al
