Që nga gushti i vitit 2021, kur talebanët morën pushtetin, gratë janë bërë të padukshme. Ata nuk lejohen të shkojnë në shkollë, të punojnë, të lëvizin vetëm dhe pa hixhab. Në mes të gjithë kësaj, shtohet edhe një kufizim dhe këtë herë ka të bëjë me kukullat në vitrinat e dyqaneve të veshjeve.
Ligji i ri kërkon që dyqanet e veshjeve të mbulojnë kokat e manekineve në vitrinë, mes një fushate për të detyruar gratë të largohen nga syri i publikut. Siç ka paralajmëruar regjimi i tyre, kokat duhet të hiqen nga kukullat në vitrina ose të mos ketë fare figura femrash. Ndërsa shumë pronarë u lutën t’i mbanin kokat mbi kukulla për arsye ekonomike ose estetike, talebanët ranë dakord me një kusht: të gjitha kukullat do të kishin fytyrat e tyre të mbuluara.
Pra, shitësit që nuk duan t’u presin kokat kukullave përdorin materiale të ndryshme për t’i mbuluar ato: pëlhurë, letër alumini apo edhe qese plastike për t’i mbajtur disi tërheqëse. “Ne përpiqemi ta përputhim atë që veshim me ngjyrën e veshjes ose ta bëjmë atë të duket si maskë”, thotë një shitës për Business Insider. “Nuk mund të vendosim thjesht një qese plastike, ato do të duken si viktima të rrëmbimit”.
In Afghanistan, now even the female mannequin’s faces must be covered.
The Taliban have ordered all shopkeepers to either behead female mannequins or cover their faces.
This is symbol of the Taliban’s treatment of women in Afghanistan. Haunting. pic.twitter.com/2mwuL3gaEZ
— Shabnam Nasimi (@NasimiShabnam) January 19, 2023
“Ndjehem sikur e shoh veten pas këtyre dritareve: një grua afgane që i janë privuar të gjitha të drejtat e saj”, thotë afgania Rahima, duke parë manekinat në dyqanet e Kabulit. Talebanët besojnë se imazhet e fytyrës së femrës në çfarëdo forme, madje edhe në statuja, janë plotësisht të ndaluara nga ligji islam. Edhe nën regjimet më konservatore të së kaluarës në Afganistan, manekinat ishin pjesë e jetës urbane, kështu që diçka kaq e errët po ndodh për herë të parë, duke degraduar plotësisht ekzistencën e gjinisë femërore./abcnews.al
