Manchester United arriti ditët e fundit të mbyllë me sukses operacionin e ardhjes në “Old Trafford” të një prej mbrojtësve më të mirë në qarkullim, Raphael Varane.
Britanikja The Telegraph zbulon të gjitha zhvillimet, që e çuan Varane në Manchester. Gjithçka nisi në nëntorin e vitit të shkuar, kur Real Madrid shkoi me ofertën e parë të rinovimit.
Kampioni i botës e refuzoi ofertën e parë dhe disa të tjera pas saj. Në janar të këtij viti, Varane nisi bisedimet me Manchester United, por këta të fundit nuk e morën seriozisht.
Anglezët mendonin se mbrojtësi po i shfrytëzon për të fituar një kontratë më të pasur nga Real Madrid. Në muajin prill Real Madrid mësoi përmes Ancelottit se Varane kërkon të largohej.
Italiani e kishte marrë vesh përmes kompanisë të tij të menaxhimit, që është e njëjta që menaxhon edhe Varane. Ajo që vlen të theksohet është se Manchester United deri një javë para zyrtarizimit, ishte dyshues për finalizimin e këtij transferimi. /abcnews.al
