Karriera e Andres Iniestës nuk është drejt fundit. Mesfushori spanjoll flitet për një kalim në Super Ligën Argjentinase sipas informacioneve që ka gazetari Nico Latini nga ‘TNT Sports’. Gazetari argjentinas tregon se Estudiantes po planifikojnë transferimin e Iniestës kur t’i përfundojë kontrata me klubin e tij actual, Vissel Kobe.
E gjithë kjo pritet të ndodhi në muajin mars dhe Andres do të ketë shansin të bashkohet me ish-lojtarin tjetër të Barcelonës, Javier Mascherano. Ata kanë ndarë dhomën e zhveshjes tek katalanasit për 8 sezone, duke krijuar dhe një miqësi të ngushtë.
Në rast kalimi tek argjentinasit, Iniesta do të gjente aty dhe një ish-blaugrana tjetër. Bëhet fjalë për Gabriel Militon, i cili momentalisht është trajneri i Estudiantes. Mesfushori po mbyll sezonin e tij të dytë dhe të fundit me Vissel Kobe dhe për momentin nuk ka ndër mend që t’i vari këpucët në gozhdë. /abcnews.al
