Paul Scholes cilësohet si një ndër mesfushorët më të mëdhenj që ka nxjerrë Anglia. Ai luajti gjatë gjithë karrierës me Manchester United, ka zhvilluar mbi 700 ndeshje me këtë skuadër dhe fitoi shumë trofe në epokën e Alex Ferguson.
45-vjeçari ka zbuluar një prapaskenë merkato në deklaratën e dhënë për BBC Radio 5. Interi ishte gati për të blerë, Massimo Moratti ishte i fiksuar pas tij, por transferimi në Serie A nuk ndodhi kurrë.
“Ishte vera e vitit 2000 dhe ndodhesha në grumbullim me kombëtaren. Më telefonoi agjenti dhe më pyeti nëse isha i interesuar për t’u transferuar tek Interi. Ajo telefonatë është e vetmja gjë që mbaj mend. Agjenti, njësoj si Alex Ferguson, nuk më tregoi asgjë më shumë“, deklaron ish-mesfushori anglez. /abcnews.al
