Një denoncim ka mbërritur paraditen e sotme në Prokurorinë e Fierit. Një person me iniciale K.S. ka denoncuar shtetasen irlandeze H. B., 44 vjeçe.
Sipas policisë kjo e fundit nuk i ka dërguar automjetin tip “Volvo” që ai e ka porositur përmes internetit në kompaninë që administrohet nga 44-vjeçarja.
“Nga specialistët e Seksionit për Hetimin e Krimit Ekonomik në DVP Fier u referuan materialet në Prokurori për shtetasen irlandeze H. B., 44 vjeçe, pasi nuk i ka dërguar automjetin tip “Volvo” , të cilin shtetasi K. S e ka porositur nga interneti në kompaninë që administrohej nga kjo shtetase dhe ka bërë pagesën nëpërmjet bankës”, thuhet në njoftimin e policisë. m.v/Abcnews.al
