Popullsia e Japonisë ra me ritmin më të shpejtë të regjistruar, ndërsa numri i banorëve të huaj në vend arriti një rekord të lartë, duke iu afruar 3 milionëve, sipas të dhënave zyrtare të publikuara sot.
Këto shifra theksojnë se shtetasit e huaj po luajnë një rol gjithnjë e më të rëndësishëm në shoqërinë japoneze, duke kompensuar popullsinë në rënie.
Popullsia e Japonisë ka rënë për të 14-in vit radhazi, me rreth 800,000 njerëz, në vitin 2022, sipas të dhënave nga ministria e brendshme.
Në vitin 2022 popullsia ishte 122.42 milionë banorë.
Vdekjet ishin 1.56 milion dhe lindjet vetëm 771,000, hera e parë në rekord që ato kanë rënë nën 800,000. Edhe pse vitin e kaluar pati një nivel të lartë të të gjitha kohërave të shtetasve të huaj në vend, rënia e popullsisë ka vazhduar e pandërprerë për 14 vjet.
Presioni demografik shqetëson qeverinë e vendit, e cila tashmë flet hapur për krizë. “Është tani ose kurrë”, ishte deklarata e kryeministrit Fumio Kishida. Megjithatë, deri më sot, politikat nuk kanë pasur asnjë efekt.
Megjithatë, që nga 1 prilli ka funksionuar Shërbimi Fëmijë dhe Familje, i cili do të zbatojë politika për familjen.
Rënia e vazhdueshme e popullsisë tashmë ka një ndikim në shoqëri, raporton Guardian.
Më shumë se gjysma e komunave klasifikohen si zona me popullsi të pamjaftueshme dhe shkollat janë mbyllur për shkak të mungesës së nxënësve. Në të njëjtën kohë, mbi 1.2 milionë biznese të vogla rrezikohen të zhduken sepse pronarët e tyre janë të moshuar pa pasardhës.
Reklamat në vend tani synojnë të moshuarit dhe janë për shtëpi funerale, pelena ose ilaçe kundër artritit, madje edhe Yakuza, mafia japoneze, dominohet nga persona 70-vjeçarë.
