Paul Pogba dhe Manchester United do të ndajnë rrugët në përfundim të këtij sezoni. Francezi, edhe pse u ble për 105 milionë euro, në asnjë moment nuk u ngrit në lartësinë e pritshmërive.
Këtë e ka vënë re edhe Paul Scholes, një legjendë e United që e ka pasur edhe në skuadrës kampionin e botës në vitet e fundit të karrierës së tij.
“Paul kishte një fizik të jashtëzakonshëm dhe vraponte pafund. Por, unë mendoj se ai nuk është zhvilluar fare si lojtar.
Ai vazhdimisht bën të njëjtat gabime. Është zhgënjim i madh dhe nuk kam aspak dyshime në lidhje me largimin e tij nga skuadra”, shprehet Scholes. / abcnews.al
