Juventusi po zhvillon fazën përgatitore në SHBA, ku është vendosur prej ditësh, për t’u përgatitur për fillimin e sezonit të ri.
Në një deklaratë për “Sky Sport”, portieri i “Zonjës së Vjetër”, Wojciech Szczesny ka treguar se çfarë pret nga skuadra dhe cili është mendimi i tij për afrimet e Paul Pogba dhe Angel Di Maria.
“Po argëtohem shumë, na ka munguar kjo përvojë në 2-3 vitet e fundit për shkak të pandemisë. Një kohë e mrekullueshme për bashkohuni me grupin, punoni shumë dhe argëtohuni së bashku”.
Çfarë prisni nga miqësoret e radhës? “Do të jetë një ndeshje miqësore kundër Barcelonës, por është gjithmonë emocionuese të luash kundër më të mirëve në botë. Ne kemi luajtur tashmë miqësoren e parë në Las Vegas, tani kemi 2 ndeshje kundër Barcelonës dhe Real Madridit dhe në këtë pikë është bukur të konkurrosh me më të mirët”.
Disa fjalë për blerjet e reja, Pogba dhe Di Maria? “Dy lojtarë me shumë përvojë na janë bashkuar dhe shumë lojtarë të rinj mund të mësojnë vetëm prej tyre. Përveç kësaj, ata kanë një cilësi të pabesueshme dhe kontributi i tyre në fushë do të jetë i rëndësishëm, shpresoj shumë që ata të na japin një dorë”. /f.a/abcnews.al
