Lojtari i Tiranës Ennur Totre, është një nga mesfushorët që po shkëlqen me kryeqytetasit.
Paraqitja e mirë e tij ka rënë në sy edhe të kombëtares së Maqedonisë së Veriut, e cila i ka dërguar ftesë për ndeshjet e nëntorit.
Mungesa e disa lojtarëve të dëmtuar ka bërë që trajneri Blagoja Milevski, të rishikojë listën e të grumbulluarve duke i dhënë një mundësi ylli të Tiranës.
Maqedonia e Veriut do të përballet me 11 nëntor me Armeninë dhe 14 me Islandën, ndeshje këto të vlefshme për kualifikueset për Kupën e Botës.
25-vjeçari është aktivizuar vetëm një herë më kombëtaren maqedonase, teksa kujtojmë se më parë ka qenë pjesë e Shpresave të Shqipërisë por pa mundur të debutojë më fanellën kuq e zi.
Nga skuadra e Tiranës veç Totres janë grumbulluar për ndeshjet e Kombëtareve edhe Hoxhallari për Shqipërinë dhe Bekaj për Kosovën. /f.a/abcnews.al
