Zëvendës komandanti i forcës detare, Artur Meçollari është shkarkuar një vit pasi ishte komanduar në këtë detyrë.
Mësohet se shkarkimi i tij ka ardhur për shkak se Meçollari ka lejuar fillimin e përgatitjes së ceremonisë martesore të një civili në njërën prej anijeve ushtarake nën komandën e tij.
Dhëndri nuk ishte vetë ushtarak, por dëshironte të organizonte ceremoninë e dasmës në anijen ushtarake pasi ishte djali i një ish-ushtaraku.
LEXO EDHE: Dalin pamjet, kjo është video që i kushtoi postin zv.komandantit të Forcës Detare
Në vendin e tij është emrëruar shefi i shtabit, gjeneral major Bajram Begaj, i cili prej pak ditësh ka marrë postin e Shefit të Shtabit të FA-së.
Megjithatë, sipas Ministrisë së Mbrojtjes një veprim i tillë nuk është konform rregullave të sigurisë.
“Shkarkimi nga detyra ka ardhur pasi nuk ka respektuar rregullat e sigurisë dhe ka shkelur statusin e ushtarakut duke organizuar një event pa dijeninë e strukturave përkatëse”, bën me dije ministria. /abcnews.al
