Sulmuesi i Tottenham, Gareth Bale, duket sikur ka rilindur sërish që kur u rikthye në Premier League. Këtë fakt e ka konfirmuar dhe ndihmës trajneri i Uellsit, Robert Page, i cili do të drejtojë “Dragonjtë” në ndeshjet e këtij muajit për shkak të arrestimit të Ryan Giggs.
“Bale është një person tjetër në këtë moment, duket sikur po e shijon përsëri që po luan futboll. Mesa duket Tottenham po e ingranon atë që të luajë për 90 minuta të plota, në mënyrë që ai të luajë me intensitetin që ata dëshirojnë. Ne e kemi arritur atë këtë javë, madje dhe në seancat e shkurtra stërvitore. Është mëse e qartë se Gareth ka ndryshuar”, deklaron asistenti.
“Bale është i jashtëzakonshëm. Të gjithë i njohim aftësitë e tij. Shpresojmë që këtë moment të mirë që po kalon, ta përkthejë dhe në fushën e lojës për ne. Ndeshja më e rëndësishme është ajo kundër Irlandës dhe i gjithë fokusi ynë është aty. Nuk duhet të mendojmë aspak për përballjen me Finlandën”, përfundon Page. /abcnews.al
