“Plazhet të lira”, procedohet nënkryetari bashkisë së Sarandës

Policia liron dhe kthen në dispozicion të pushuesve 10 000 m2 plazh të zaptuar në mënyrë të paligjshme në Ksamil.  Operacion është shtrirë në Ksamil, Himarë , Vlorë e Divjakë. Gjashtë pronarë subjektesh janë proceduar për “Fshehje e të ardhurave” dhe  për “Zënia e hapësirave publike”. Është proceduar penalisht n/kryetari i Bashkisë së Sarandës sepse në kundërshtim me ligjin “Për vetëqeverisjen vendore” nuk ka ekzekutuar vendimin administrativ të kryetarit të Bashkisë Sarandë për lirimin e një sipërfaqeje plazhi publik prej 600 m2 në Ksamil i cili shfrytëzohej pa lejen e bashkisë. Në Ksamil, janë bllokuar dhe sekuestruar në cilësinë e provave materiale mbi një mijë shezlonë, 351 çadra dhe një tendë dielli për mbulimin e shezlonëve rreth 40 m e gjatë, të cilat shfrytëzoheshin pa kasë fiskale dhe pa lejen përkatëse nga Bashkia e Sarandës. /ABC News Albania 24/7