Bregu Perëndimor dhe Rripi i Gazës mund të ndahen në mënyrë që të mos jenë kurrë një shtet. Këto janë planet e Ministrit izraelit të financave, Bezalel Smotrich.
Zyrtari i lartë i Izraelit dhe personi kyç në qeverisjen e Benjamin Netanyahut, e ka paraqitur planin para një muaji gjatë një takimi me Kabinetin e Luftës në Izrael, citon CNN. Smotrich, tha se mënyra për të parandaluar një shtet palestinez që do të rrezikonte shtetin e Izraelit ishte zhvillimi i vendbanimeve hebraike. “Qëllimi është të ndryshohet ADN-ja e sistemit për shumë e shumë vite”, citohet të ketë thënë ai gjatë mbledhjes.
Gjykata e Lartë e Izraelit e përcakton kontrollin izraelit mbi Bregun Perëndimor si një okupim të përkohshëm ushtarak dhe jo si aneksim të territorit nën një administratë civile.
Por Smotrich, i cili vetë jeton në një vendbanim në Bregun Perëndimor, ka kundërshtuar krijimin e një shteti të pavarur palestinez. Ai gjithashtu ka mbrojtur prej kohësh zgjerimin e vendbanimeve hebreje që konsiderohen të paligjshme sipas ligjit ndërkombëtar dhe nga shumica e komunitetit ndërkombëtar. Në fjalimin e tij prej rreth gjysmë ore, Smotrich tha se ai ishte në gjendje “të bindte kryeministrin”, Benjamin Netanyahu, për krijimin e një administrate civile në Bregun Perëndimor.
Izraeli ka zgjeruar vendbanimet në Bregun Perëndimor të pushtuar gjatë dekadave, pavarësisht nënshkrimit të një sërë marrëveshjesh paqeje me palestinezët në vitet 1990, të quajtura Marrëveshja e Oslos, që parashikonte krijimin e një shteti të pavarur palestinez në Bregun Perëndimor dhe Gaza, si pjesë e një marrëveshjeje të negociuar. zgjidhjen e konfliktit izraelo-palestinez.
Ndërkohë, viktima të shumta civile janë shkaktuar në Rafah si pasojë e bombardimeve izraelite. Të paktën 25 persona janë vrarë dhe mbi 50 të tjerë janë plagosur, theksojnë zyrtarët shëndetësorë në Gaza. Viktimat në Rafah kanë rritur shqetësimet në OKB, të cilët kërkojnë me këmbëngulje të parandalojnë një ofensivë të re izraelite, por këtë herë ndaj Hezbollahut në kufirin me Libanin.
/abcnews.al
