ITALI-Plani i arratisjes si nëpër filma ka rezultuar pa sukses për një shqiptar kurse 2 shokët e tij të qelisë ia kanë dalë të largohen nga burgu.
Mediet italiane bëjnë me dije se 3 të burgosurit kishin planifikuar të arratisen nga burgu Bellizzi në Avellino. Ata kanë hapur një vrimë në mur dhe kanë zbritur me çarçafë të lidhur me njëri tjetrin duke krijuar një litar.
Ndonëse mori përsipër këtë iniciativë të rrezikshme shqiptari u kap menjëherë nga punonjësit e policisë së burgut kurse dy shokët e tij ia kanë dalë të arratisen.
I njëjti skenar arratisjeje është parë shpesh të praktikohet edhe nga të burgosur të tjerë brenda dhe jashtë vendit. be.k/abcnews.al
