Identifikohen autorët e ngjarjes së sotme në Tiranë, ku mbetën të plagosur dy persona. Ngjarja ndodhi në zonën e ish-parkut të autobusëve në kryeqytet.
Sikurse abcnews.al ka raportuar, Aleksandër Nikolli 27-vjeç dhe Xhulio Vela 25-vjeç u qëlluan me armë zjarri rreth orës 17:00, në kryqëzimin e rrugës “Ndre Mjeda” dhe “Frosina Plaku”.
Dy të rinjtë kanë marrë plagë plumbi në këmbë dhe ndodhen në spital, ku po marrin trajtim mjekësor.
Lexo edhe: Grushtet përfunduan tek pistoleta, si u plagosën dy të rinjtë tek “ish-parku i autobusëve”
Një sherr mes disa të rinjve agravoi në përdorimin e armëve. Mes dy të plagosurve dhe disa personave të tjerë ka pasur një përplasje fizike mes tyre. Dyshohet se në këtë sherr janë përfshirë rreth 5 persona. Më pas situata shkoi deri në përdorimin e armëve, ku mbetën të plagosur dy të rinjtë.
Sakaq, policia ka identifikuar autorët dhe po punon për kapjen e tyre. g.v/abcnews.al
