Policia e Elbasanit ka vënë në pranga dy personat të cilët akuzohen se kanë plagosur me thikë një 26 vjeçar.
Ngjarja ka ndodhur mbrëmjen e së dielës në një lokal në lagjen “11 Nëntori”, Elbasan, ku dy të arrestuarit në bashkëpunim me njëri-tjetrin, kanë goditur për motive të dobëta, me mjet të mprehtë thikë, shtetasin E. L., 26 vjeç, banues në Elbasan, i cili ndodhet në spital, nën kujdesin e mjekëve.
Të arrestuarit janë Leonard Manxhari, Dardan Krasniqi dhe pronari i lokalit Andrea Çoni.
Gjithashtu në kuadër të kësaj ngjarje është arrestuar në flagrancë edhe edhe pronari i lokalit, shtetasi A. Ç., 54 vjeç, banues në Elbasan, pasi ka qenë i pranishëm në vendngjarje dhe nuk ka raportuar në organet ligjzbatuese.
Njoftimi i plotë:
Goditën me mjet të mprehtë (thikë) një shtetas, arrestohen në flagrancë nga Policia 2 autorët e ngjarjes.
Arrestohet në flagrancë dhe pronari i lokalit ku ndodhi konflikti, për moskallëzim krimi.
Specialistët për Hetimin e Krimit në Komisariatin e Policisë Elbasan arrestuan në flagrancë shtetasit:
L.M., 43 vjeç dhe D. K., 37 vjeç, banues në Elbasan.
Arrestimi i këtyre shtetasve u bë pasi mbrëmjen e djeshme, në një lokal në lagjen “11 Nëntori”, Elbasan, në bashkëpunim me njëri-tjetrin, kanë goditur për motive të dobëta, me mjet të mprehtë thikë, shtetasin E. L., 26 vjeç, banues në Elbasan, i cili ndodhet në spital, nën kujdesin e mjekëve.
Në vijim të veprime procedurale dhe hetimore është arrestuar në flagrancë edhe pronari i lokalit, shtetasi A. Ç., 54 vjeç, banues në Elbasan, pasi ka qenë i pranishëm në vendngjarje dhe nuk ka raportuar në organet ligjzbatuese.
Materiale hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme./abcnews.al
