Andrea Pirlo erdhi në mënyrë të papritur te Juventusi, kur bardhezinjtë kishin ndërmend të ndiqnin një tjetër rrugë për merkaton. Me ardhjen e tij Pirlo ktheu gjithçka, duke nisur nga bllokimi i shitjes së tre lojtarëve.
Gazetari i njohur i merkatos, Fabricio Romano raporton se ish-mesfushori ka anuluar shitjen e Merih Demiral te Leicester City. Gjithashtu, Adrien Rabiot kishte oferta nga Premier Legaue, por Pirlo ktheu gjithçka duke e mbajtur dhe duke e shndërruar në titullar stabël.
Edhe një tjetër lojtar nuk kishte treguar më të mirën e tij nën drejtimin e Sarrit dhe ishte drejt largimit nga Torino. Juve e kishte në shitje Danilon, por ardhja e Pirlos e nxori nga tregu ish-mbrojtësin e Manchester City dhe Real Madrid. /abcnews.al
