Loading ...
Milani rifitoi titullin e ligës sezonin e kaluar pas një pauze 11-vjeçare, për herë të parë që nga viti 2011. Interi përfundoi i dyti, duke humbur vetëm dy pikë, lufta gjatë sezonit ishte tepër e fort. Trajneri i Milanit, Stefano Pioli ka folur për mënyrën sesi e ka motivuar skuadrën e tij gjatë kampionatit.
“Jam përpjekur të shkëput lojtarët nga ajo që po ndodh jashtë. Rezultatet e konkurrentëve, lojërat e tyre. Por unë u thashë atyre se si gazetarët vënë bast për skuadrat e tjera për të fituar, për t’u dhënë atyre më shumë shanse se ne. Më duhet të falënderoj lojtarët e mi, ata u përgjigjën siç duhet dhe ne ia arritëm këtij qëllimi të madh”, tha Pioli për pianetamilan.it. /G.D abcnews.al/
