“Objektivi dhe e ardhmja jonë do të përcaktohen nga duelet direkte“, deklaroi Stefano Pioli për mediat pas humbjes 1-2 që pësoi Milanin i tij në “San Siro” kundër Sassuolos. Një rezultat që ka krijuar pakënaqësi dhe rrezikon objektivin Champions League të kuqezinjve.
Trajneri i “Djallit” analizoi humbjen e sotme, teksa thekson se Super League nuk pati aspak ndikim tek ekipi. “Në futboll ka të drejtë ai që shënon një gol më shumë se kundërshtari. Ne krijuam shumë raste për gol, por nuk ia dolëm t’i finalizonim. Rreziku shtohet kur nuk ia del të mbyllësh ndeshjen.
Djemtë vrapuan shumë dhe vrapuan mirë, por humbja sjellë gjithmonë zhgënjim. Ne duhet ta kthejmë zemërimin në vendosmëri, duhet të ndryshojmë nga tani e tutje. Nuk ekziston frika e shkatërrimit të sezonit tonë, është privilegj të kemi presion. Sigurisht që European Super League nuk pati ndikim në ndeshjen e sotme.
Ndodhemi në garë për kualifikimin në Champions League. Nuk do të jemi plotësisht të kënaqur nëse nuk ia dalim, por ne duam ta arrijmë këtë objektiv. Ibrahimovic? Zlatan pati një tërheqje në pupël. Urojmë të rikuperohet sa më shpejt, por nuk është kaq e thjeshtë, njësoj si situata e lojtarëve të tjerë të dëmtuar.
Super League? Është një problem që nuk na përket neve. Unë e dua lirinë e fjalës dhe të mendimit. Mendoj se askush nuk duhet të dyshojë në integritetin moral të Paolo Maldinit“, deklaroi trajneri i Milanit. /abcnews.al
