Trajnimi i pilotëve ukrainas për avionët F-16 ka filluar në Poloni, sipas shefit të politikës së jashtme të BE-së, Josep Borrell, pasi Shtetet e Bashkuara dhanë dritën jeshile.
“Jam i lumtur që më në fund ka filluar trajnimi i pilotëve për F-16 në disa vende. Do të duhet kohë, por sa më shpejt aq më mirë,” tha ai.
Një diplomat europian, duke folur për AFP në kushte anonimiteti, konfirmoi se trajnimi kishte filluar në Poloni. Vendimi vjen pasi presidenti i SHBA-së Joe Biden dha dritën jeshile javën e kaluar që pilotët e Kievit të trajnohen me avionët e prodhimit amerikan që Ukraina thotë se i duhen kundër forcave ruse.
Polonia, një fqinj me Ukrainën dhe një nga mbështetësit e saj më të vendosur, ka thënë për muaj të tërë se është gati të trajnojë pilotët ukrainas, raporton AFP. Vendi ka qenë një pikë kyçe për trajnimin e ushtarëve të Ukrainës dhe furnizimin me armë në Kiev.
Sipas AFP, ministrja holandeze e mbrojtjes Kajsa Ollongren tha se trajnimi i takimit të BE-së do të ishte “hapi i parë” drejt furnizimit eventual të avionëve në Kiev.
/abcnews.al
