Drejtori i të ashtuquajturës zyrë për Kosovën në qeverinë serbe, Petar Petkoviç ka deklaruar se mbrëmë rajoni ishte “në prag të një konflikti serioz”.
Petkoviç si zakonisht e drejtoi gishtin kah kryeministri i Kosovës, Albin Kurti, duke e quajtur atë si “kërcënim për serbët”.
Këto fjalë Petkoviq i tha në një konferencë për media bashkë me kryetarin e Listës Serbe dhe ministrin për Kthim dhe Komunitete, Goran Rakiq.
“A e kuptoni se ne ishim fjalë për fjalë në prag të një konflikti serioz mbrëmë?”, tha ai.
Petkoviç tha se “plani i njësive speciale të Policisë së Kosovës ka qenë ‘pushtimi’ i veriut të Kosovës gjatë natës”.
