Drejtori i Zyrës për Kosovë dhe Metohi, Petar Petkoviç ka reaguar në lidhje me deklaratën e kryeministrit të Kosovës Albin Kurti i cili tha se serbët në Kosovë dhe lista Srpska “do të vuajnë dhe do të paguajnë”.
Petkoviç në reagimin e tij është shprehur se kjo është një deklaratë e rrezikshme dhe tregon natyrën e vërtetë të regjimit të Kurtit.
“Dje ishte një ditë e vështirë në Bruksel, negociatat u zhvilluan në kushte të pamundura, sepse Kurti refuzon të formojë Unionin e Komunave Serbe. Borell këtë e tha hapur dhe qartë dje, dhe kjo është e re, se ndryshe nga rastet e mëparshme kur pas negociatave, të dy ishin të akuzuar, dje për herë të parë pamë qëndrimin më të hapur të Bashkimit Evropian, madje edhe të SHBA-së, se Kurti është përgjegjës për dështimin e dialogut dje”, ka thënë ai.
Ai shtoi se edhe pse negociatat e djeshme ishin shumë të vështira, ato nuk kanë përfunduar dhe se shteti i Serbisë do të luftojë furishëm për të ruajtur paqen dhe stabilitetin dhe se do të bëjë gjithçka për të arritur një zgjidhje kompromisi dhe, siç tha ai, “ kompromisi i fjalës “Serbët në Kosovë nuk është fjalë e shëmtuar, për ta do të thotë jetë”.
