Duke komentuar raportin e ERE për sektorin e energjisë, deputeti i Partisë Demokratike, Helidon Bushati, i cilësoi me ironi si “petët e lakrorit’.
Nga foltorja e Kuvendit, Bushati tha se raporti e thotë qartë se ka pasur keqmenaxhim të kaskadës së Drinit. Sipas deputetit, qeveria e quan këtë sektor strategjik, por i bën vjedhje metodike.
Lexo edhe: Ahmetaj: Në 2008 qeveria nuk mori asnjë masë për krizën, ne sollëm paketën e rezistencës
“Ka pasur keqmenaxhim të kaskadës së Drinit. E pranon qartësisht raporti i ERE. Kjo është vetëm njëra nga petët e lakrorit. Peta e dytë ka të bëjë me liberalizimin. Raporti është i 2021. Sot ka 8 operatorë që marrin furnizim nga tregu i lirë. Kanë dalë që në 2012. Asgjë nuk është bërë për liberalizimin e tregut. OSHEE nuk lidh marrëveshje me operatorët privatë. Është raporti i 2021.
Peta e tretë,e inceneratorëve. Deri më tani nuk janë paraqitur në ERE të dhëna faktike për inceneratorin e Elbasanit.
Peta tjetre diversifikimit. Ke zero kilovat nga eolikët. Asnjë impiant i madh. Këto janë petët e lakrorit të rilindjes, petës e tortës energjitike. Atij sektori që e konsideroni strategjik, por i bëni vjedhje metodike”, u shpreh ai. /abcnews.al
