Loading ...
Grupi për të drejtat e kafshëve, PETA ka theksuar se burrat që hanë mish duhet të ndalohen të bëjnë seks. Organizata jofitimprurëse ka pohuar se konsumimi i salsiçeve dhe produkteve të mishit është një simptomë e “mashkulloritetit toksik” që po çon në shpërbërjen e planetit Tokë.
Divizioni gjerman i PETA-s specifikoi kërkimin nga revista PLOS One, i cili ilustroi se burrat shkaktuan 41% më shumë emetime të gazeve serrë sesa gratë, kryesisht për shkak të burrave që konsumonin më shumë mish. Organizata u kërkon grave që të bëjnë një grevë seksi për të “shpëtuar botën”.
Daniel Cox, drejtuesi i ekipit të fushatës për PETA në Gjermani, tha në një deklaratë të shpërndarë në faqen e internetit të organizatës me titull: “PETA bën thirrje për ndalimin e seksit për të gjithë burrat që hanë mish – dieta e burrave prodhon 41 për qind më shumë gazra serë se sa ajo e grave”.
“Tani ka prova shkencore që mashkulloriteti toksik dëmton edhe klimën. Për të gjithë baballarët që ende hanë mish dhe duan fëmijë me një të ardhme të qëndrueshme në një planet të jetueshëm, rekomandojmë të ndryshojnë stilin e jetesës duke u bashkuar me programin tonë falas Veganstart.”/abcnews.al
