Ne shtetin e Queensland të Australisë, një peshkatar i shpëtoi sulmit të një krokodili pasi e qëlloi në sy.
Supozohej të ishte një ditë pushimi e qetë për të por peshkatari i botës së egër të kafshëve tregon se si shpëtoi nga kjo kafshë e rrezikshme.
Craig Dickmann, 54 vjeç ishte duke peshkuar vetëm në një plazh në Cape York, shtetin e Queensland, të dielën kur zvarraniku 2.5 metra i gjatë e mbërtheu atë, sipas CNN 7 News.
Krokodili kapi këmbët dhe dorën e tij dhe u mundua ta tërhiqte atë poshtë . Dickmann e qëlloi krokodilin në sy dhe kjo detyroi bishën ta lirojë atë nga nofullat e tij. /abcnews.al
“Kjo situatë ishte jetë a vdekje ,” tha shefi i Shërbimit të Ambulancave të Queensland, Warren Martin.
Dickmann pati dëmtime serioze , me një kafshim në dorën e tij duke lënë lëkurën e tij të hapur dhe duke ekspozuar tendinat dhe muskujt, tha Martin.
Dickmann tani i është nënshtruar një operacioni dhe është në një gjendje të qëndrueshme, raportoi 7 News.
Ka pasur disa sulme të tjera nga krokodili në Queensland këtë vit.
Në mars, dy peshkatarë u bllokuan në një pemë mbi ujërat e krokodilit për dy ditë dhe vetëm muajin e kaluar një krokodil hëngri një qen teksa luante në lumë. /abcnews.al
