Pole të forta tërheqëse jo vetëm për njerëzit, por edhe për investimet dhe biznesin janë disa qytete në botë, cilësi që disa e ruajnë edhe pas pandemisë. Në veçanti, sipas Forumit Ekonomik Botëror, koncepti i “lidhjes” ka ndryshuar që nga fillimi i Covid-19 dhe tani lista e qyteteve më “magnetike” vjen nga gjashtë kritere, të cilat vlerësohen nga indeksi Global Power City: ekonomia, kërkimi dhe zhvillimi, ndërveprimi kulturor, cilësia e jetës, mjedisi dhe aksesueshmëria.
Sipas indeksit, pesë qytetet kryesore magnetike janë:
- Singapor
Singapori është në pesëshen e parë për shkak të ekonomisë së tij të lulëzuar, por edhe ndërveprimit të fortë kulturor.
- Paris
Qyteti i dritës merr një vlerësim jashtëzakonisht të lartë për shkak të cilësisë së jetës që ofron, por edhe aksesueshmërisë së lehtë.
- Tokio
Qyteti ka përmirësuar ndjeshëm aftësinë për të konsoliduar tendencat e reja duke pritur Lojërat Olimpike më të fundit.
- Nju Jork
Është një nga qytetet që rishfaqet vazhdimisht në listën vjetore, pasi zë një pozicion lider ndër qytetet e tjera për nga kriteret ekonomike, por edhe në fushën e kërkimit dhe zhvillimit.
- Londër
Londra renditet shumë lart në të gjitha kriteret e përcaktuara. Sidoqoftë, vlen të përmendet se në përgjithësi nuk duket të jetë një pol tërheqës aq i fortë sa vitin e kaluar, pasi pandemia ndikoi negativisht në lidhjen e qytetit.
Vlen të theksohet se qyteti që ofron cilësinë më të lartë të jetës është Madridi dhe më i “gjelbër” është Stokholmi./abcnews.al
