Maternitetit “Koço Gliozheni” në Tiranë i janë shtuar 5 inkubatorë të rinj falë përgjegjësisë sociale të biznesit. Zëvendësministrja e Shëndetësisë dhe Mbrojtjes Sociale Mira Rakacolli u shpreh se investimi për shëndetin e nënës dhe fëmijës është përparësi e politikave dhe programeve socio-shëndetësore e Ministrisë.
Investimet sipas zëvendësministres do të vazhdojnë në infrastrukturën e spitaleve rajonale, materniteteve ashtu edhe në fuqizimin e tyre me burime njerëzore për të garantuar shërbim për qytetarët afër vendbanimit./abcnews.al
