Fluturimi mund të jetë stresues për shumë arsye, nga vonesat e papritura deri tek ulja pranë pasagjerëve të padisiplinuar. Por për stjuardesat, detyra e të cilave është të merren me pasagjerët dhe të përballojnë sfidat që lindin, nga kërkesat e vazhdueshme nga klientët deri tek urgjencat gjatë fluturimit, mund të jetë një punë që kërkon durim ekstrem dhe një qëndrim pozitiv.
Denise Kulhman punon prej vitesh si stjuardesë. Kuhlman, e cila aktualisht punon për Delta Air Lines, fluturon jashtë Aeroportit Ndërkombëtar të Los Angelos dhe shpesh udhëton në ishujt Hawaii, Miami, Seattle dhe Chicago.
Me kalimin e viteve, Kulhman ka punuar në qindra fluturime me mijëra pasagjerë dhe ajo ka pesë këshilla të qarta.
Duke injoruar stjuardesat
Në pjesën më të madhe, stjuardesat dhe anëtarët e ekuipazhit i lënë pasagjerët vetëm gjatë kohëzgjatjes së fluturimit. Megjithatë, ka disa momente kyçe kur ata komunikojnë me pasagjerët për përditësime të rëndësishme, si turbulencat, njoftimet për rripat e sigurimit dhe gjatë shërbimit të ushqimit dhe pijeve.
Kulhman thotë se shumë shpesh, pasagjerët nuk i nxjerrin kufjet për të dëgjuar të flasin stjuardesat. “Injorimi i dikujt që po përpiqet të flasë me ju dhe t’ju shërbejë pije ose ushqim mund të jetë i pasjellshëm,” tha Kulhman për Insider.
Kulhman thotë se një rregull i mirë i mirësjelljes është thjesht vendosja e kufjeve si shenjë respekti. Nëse pasagjerët nuk duan ushqim apo pije, është e sjellshme të thuash jo verbalisht”, tha Kulhman.
Keqpërdorimi i hapësirës së vendosjes së çantave
Një nga pengesat më të mëdha me të cilat përballen stjuardesat në fillim të fluturimit është trajtimi i pasagjerëve që i ruajnë çantat e tyre gabimisht. “Sjuardesat shpesh duhet t’u kërkojnë pasagjerëve të lëvizin çantën e shpinës nën sediljen e tyre”, tha Kulhman.
Për ta bërë më efikas procesin e hipjes, Kulhman u kujton pasagjerëve që të vendosin çantat e shpinës ose çantat e tyre nën sedilje dhe të rezervojnë kosha për çanta më të mëdha si një mirësjellje e zakonshme. /abcnews.al
