E vërteta është se në shtëpi kemi shumë produkte që mund të përdoren diku tjetër, përveç përdorimit bazë të tyre. Në fakt, shumë prej tyre duken si “mrekulli” të vogla që mund të na zgjidhin në situata të vështira.
Dhe një prej tyre është pasta e dhëmbëve. Sepse “destinacioni” i saj mund të jetë të na japë një buzëqeshje të ndritshme, por mund të shërbejë edhe për synime të tjera. Dhe në fakt, me rezultate të mrekullueshme.
Mësoni se ku mund ta përdorni:
Heq papastërtitë nga hekuri
Vendosni pak nga pasta e dhëmbëve në një leckë dhe pastroni hekurin. Fshijeni me një leckë tjetër të lagur dhe lëreni të thahet.
Heqni qafe njollat me bojë dhe verë
Merrni rrobat tuaja me njolla dhe vendosni pak pastë dhëmbësh në njollë. Fërkojeni fuqishëm, shpëlajeni me ujë të ngrohtë, vendoseni në lavatriçe dhe lajeni normalisht.
Hiqni çamçakëzin e ngjitur në rroba
Mënyra është e thjeshtë. Vendosni pastë dhëmbësh në çamçakëz dhe shtypeni që të rrafshohet së bashku me çamçakëzin duke përdorur një vizore ose diçka të ngjashme. Pasi pasta e dhëmbëve të jetë tharë, çamçakëzi do të hiqet më lehtë.
Bëni bizhuteritë të shkëlqejë përsëri
E vetmja gjë që duhet të bësh është të marrësh një furçë dhëmbësh të vjetër dhe pak nga pasta dhe t’i pastrosh ato tërësisht. Zbatohet në të gjitha metalet, nga ari te gurët e çmuar. l.k/abcnews.al
