Zlatan Ibrahimovic dëshiron me çdo kusht rikthimin në Evropë. Sulmuesi i Los Angelos Galaxy del i lirë në janar dhe mund të zgjedhe kë ekip dëshiron. Në fillim u fol për një rikthim në Serie A, madje vetë Ibra shprehu dëshirën e tij për të qenë pjesë e Napolit.
Tani ka vendosur të entuziazmojë tifozët spanjollë. “Përshëndetje Spanjë, po rikthehem“, ka shkruar sulmuesi suedez në rrjetet sociale. 38-vjeçari është aktivizuar më parë në me Barcelonën dhe ideja e rikthimit në La Liga po e tundon.
Ibra është inteligjent dhe diçka të tillë nuk e bën pa qëllim. Ai ndihet ende i fortë dhe shpreson të sigurojë një kontratë të paktën 2.5 vjeçare. Disa ditë më parë ishte gati të rikthehej në Itali, ndërsa tani është gati të rikthehet në Spanjë.
Dëshirat me kalimin e kohës “ndryshojnë” dhe Zlatani mund të preferojë rikthimin tek Ajaksi ose PSG disa ditë më vonë… /abcnews.al
Zlatan to La Liga confirmed?! ??? pic.twitter.com/SBsKm6JMLA
— ESPN FC (@ESPNFC) October 29, 2019
