India akuzoi të hënën trupat kineze për ndërmarrjen e veprimeve “provokuese” pranë një kufiri të diskutueshëm në Himalaje, duke shkelur marrëveshjet e mëparshme midis dy rivalëve të armatosur që synojnë të lehtësojnë tensionet në rajon.
Pretendimet indiane vijnë më shumë se dy muaj pas një përleshjeje të përgjakshme përgjatë kufirit, ku mbetën të paktën 20 ushtarë indiane të vdekur.
Kina nuk ka pranuar asnjëherë ndonjë viktimë nga luftimi trup me trup më 15 qershor në Luginën Galwan, në veri të vendit ku India thotë se tensionet e fundit u ndezën gjatë natës të shtunën në të dielën.
Të dy shtetet kanë vendosur mijëra trupa, tanke dhe artileri armësh afër kufirit. Numri i viktimave nuk është ende i qartë, dhe ndërsa ka një takim të nivelit të lartë në proces për të zgjidhur tensionet, ushtria e Indisë është vendosur plotësisht përgjatë kufirit të diskutueshëm. /abcnews.al
