Një shkëmbim zjarri mes ultrasve të Interit në Cernusco, në periferi të Milanos, ka përfunduar me një të vdekur dhe një të plagosur.
Sipas raportimeve më të fundit të prestigjiozes italiane “La Stampa”, 36-vjeçari Antonio Bellocco, një kriminel i dënuar dhe i lidhur me klanin Rosarno, u godit me thikë për vdekje pasi hapi zjarr ndaj 49-vjeçarit Andrea Beretta, liderit historik të ultrasve “Zikaltër”.
Gjithçka ndodhi pranë palestrës “Testudo”, një vend takimi shumë i njohur për mbështetësit e “Curva Nord”.
Sipas hetimeve paraprake, Bellocco qëlloi 49-vjeçarin duke e plagosur në këmbë, ndërsa ata ishin së bashku në një makinë Smart, ndërsa Beretta i është përgjigjur menjëherë me një goditje vdekjeprurëse në fyt.
Lideri i “Curva Nord” është arrestuar menjëherë nga karabinerët dhe tashmë kanë nisur hetimet për të zbuluar motivet e ngjarjes. /i.m /abcnews.al
