Arrestohet 48-vjeçari i cili mbrëmjen e së enjtes përplasi me makinë një të moshuar.
Aksidenti ndodhi në aksin rrugor “Fier-Lushnjë”, ku drejtuesi i mjetit, 48-vjeçari përplasi me makinë një 83-vjeçar, i cili ishte duke lëvizur me biçikletë.
Ndërkaq, 83-vjeçari është në spital, në kujdesin e mjekëve.
“Në vijim të informacionit të dhënë pasditen e djeshme, për një aksident në aksin rrugor “Fier-Lushnjë”, ku automjeti me drejtues një 48-vjeçar, banues në Lushnjë, ka përplasur biçikletën me të cilën lëvizte një 83-vjeçar, ju informojmë se specialistët e Policisë Rrugore të DVP Fier arrestuan në flagrancë 48-vjeçarin. Ndërkaq, 83-vjeçari është në spital, në kujdesin e mjekëve“, thuhet në njoftimin e policisë.
/abcnews.al
