Një aksident ka ndodhur pasditen e sotme në Fier. Burime për abcnews.al bëjnë te ditur se në aksin rrugor Fier-Seman në vendin e quajtur Hoxharë e Vjetër një makinë është përplasur me një mjet bujqësor.
Siç shihet nga pamjet si pasojë e përplasjes makina, në të cilën udhëtonin tre persona ka rënë në kanal e përmbysur.
Fatmirësisht nuk ka pasur viktima, por vetëm të plagosur lehtë, të cilët mësohet se janë jashtë rrezikut për jetën.
Ne vendin e ngjarjes kanë mbërritur efektivët e policisë për të bërë të mundur zbardhjen e ngjarjes. /abcnews.al
