Të paktën dy persona janë vrarë dhe 29 janë plagosur në një përplasje treni në Egjipt, ka njoftuar Ministria e Shëndetësisë së vendit.
30 ambulanca dhe ekipe mjekësore përforcuese janë dërguar në vendin e përplasjes në qytetin e Zagazig, kryeqyteti i provincës Al Sharkia, shkruan CNN.
Të plagosurit janë transferuar në spitalet e Universitetit Al-Ahrar dhe Zagazig në qytet dhe “operacionet e shpëtimit janë ende në vazhdim”.
Imazhet nga vendi i ngjarjes treguan turma njerëzish të mbledhur rreth rrënojave të trenave ndërsa po zhvilloheshin operacionet e shpëtimit.
Siç raportohet, ka pasur një aksident vdekjeprurës në sistemin e vjetër hekurudhor të Egjiptit pothuajse çdo vit për 20 vitet e fundit./abcnews.al
