Përndiqte një vajzë, arrestohet i riu në Krujë

Policia e Krujës ka arrestuar një 26-vjeçar, pasi përndiqte një vajzë. Uniformat blu bëjnë me dije se është prangosur Q. M., 26 vjeç.

Ky i fundit ka përndjekur në mënyrë të vazhdueshme shtetasen A. V.

“Specialistët për Hetimin e Krimeve në Komisariatin Krujë, arrestuan në flagrancë për veprën penale “Përndjekja” shtetasin Q. M., 26 vjeç, banues në lagjen Nr.3 Krujë, pasi ka përndjekur në mënyrë të vazhdueshme shtetasen A. V”, thuhet në njoftimin e policisë. g.v/abcnews.al