Loading ...
Banorët e Ferrasit prej tre ditësh kanë fjetur ku të munden larg banesave të tyre, tek fqinjët, të afërmit apo edhe në makina.
Dëmet janë të mëdha. Kamera e Abc News Shoqëroi banorë të zonë brenda shtëpive të përmbytura.
Edhe pse uji i Vjosës është tërhequr në shtrati, shenjat dhe dëmet që la pas janë të dukshme. Banoret kanë shpëtuar bagëtinë dhe ato pak sende që kanë mundur duke i nxjerrë në rrugë.
Ndërkohë në disa zona sipas banorëve uji ka arritur deri në afro dy metra. Ata thonë se në afërsi të autostradës Vlorë-Levan, është krijuar efekti i hinkës pasi është ngushtuar shtrati i lumit Vjosa.
Në Ferras përllogariten të paktën 70 banesa që janë prekur nga përmbytjet ndërsa 20 prej tyre uji ka shkatërruar gjithçka. Emergjencat civile vazhdojnë të jenë në terren. Ndërkohë strukturat vendore pritet te nisin edhe përllogaritjet e dëmeve.
